აშშ-ში უმკურნალეს ქალს, რომელსაც ენაზე შავი თმა ამოუვიდა. გამოცემა Science Alert-ის ცნობით, ეს იშვიათი დაავადება ანტიბიოტიკების მიღების შემდეგ განვითარდა.
55 წლის ქალი საავადმყოფოში ავარიის შემდეგ მოხვდა. მას დაზიანებული ჰქონდა ფეხები და ჭრილობები დაუჩირქდა. ინფექციის გავრცელების შესაჩერებლად მას ანტიბიოტიკ მინოციკლინის რამდენიმე ინექცია გაუკეთეს. ერთ კვირაში მას ენა გაუშავდა და თმა ამოუვიდა. ქალი უსიამოვნო გემოს და გულის რევის შეგრძნებას უჩიოდა.
პაციენტის მკურნალი ექიმის, იასირ ჰამადის თქმით, მის ოცწლიან საექიმო პრაქტიკაში ეს პირველი შემთხვევაა. მან პაციენტს ანტიბიოტიკი შეუცვალა და დაახლოებით ერთ თვეში ქალის ენა ისევ გავარდისფრდა.
დაავადება lingua villosa nigra, იგივე „შავი ენა“, უიშვიათეს დაავადებად ითვლება. „თმები“ სინამდვილეში ენის ზედაპირზე არსებული დვრილებია. ნორმალურ მდგომარეობაში მათი ზომა 1 მილიმეტრია. ანთების დროს ის იზრდება და მასში რჩება საკვები, რომელიც ლპობისას ფერს იცვლის და შესაბამისად „ენაც შავდება“.
მეცნიერებმა ამ დრომდე არ იციან რა იწვევს ამ დაავადებას. სტატისტიკით ის მწეველებს, ან ისეთ ადამიანებს ემართებათ, რომლებიც ვერ იცავენ პირის ღრუს ჰიგიენას.
იშვიათ შემთხვევებში მის სამკურნალოდ ქირურგიული ჩარევაც უწევთ.
მსგავსი სიახლეები
2018-10-20 
2018-10-20 ცნობილმა „კაას“ ავტორმა ნაციონალურ მოძრაობას 10 000 ლარი შესწირა
2018-10-20 ყველაზე სწრაფად მზარდ ტურისტულ მიმართულებებს შორის, საქართველო მეოთხე ადგილზეა
2018-10-15 ოთხ თვეში თამბაქოს მოხმარების დარღვევისთვის 85 ათასი ლარის ჯარიმა დაიწერა
2018-10-20 კანადაში მარიხუანას შენახვისა და გამოყენების ლეგალიზების შესახებ კანონი ამოქმედდა
2018-10-15 ვერძი
