დღეს სოხუმის დაცემიდან 25 წელი გავიდა. სოხუმის დაცემის 25-ე წლისთავთან დაკავშირებით, აფხაზეთის ომში დაღუპულთა სხოვნის პატივსაცემად 27 სექტემბერს, საქართველოს სახელმწიფო დროშები დაშვებულია.
დღეს სოხუმის დაცემის 25-ე წლისთავთან დაკავშირებით გმირთა მემორიალს გვირგვინით შეამკობენ მთავრობისა და პარლამენტის წარმომადგენლები და ასევე სხვადასხვა პოლიტიკური პარტიის ლიდერები.
გუშინ გვიან ღამით კი გმირთა მოედანზე, აფხაზეთის ომში დაღუპული ჯარისკაცები კიდევ ერთხელ გაიხსენეს. მოედანზე შეკრებილებმა წუთიერი დუმილით დაღუპულთა ხსოვნას პატივი მიაგეს, შემდეგ კი მებრძოლთა სახელები და გვარები ხმამაღლა წაიკითხეს.
სოხუმი 1993 წლის 27 სექტემბერს დაეცა. კონფლიქტი, რომელიც 13 თვესა და 13 დღეს გრძელდებოდა ქართულ სამთავრობო ჯარებსა და აფხაზ სეპარატისტთა ძალებს შორის მიმდინარეობდა. სეპარატისტებს მხარს უჭერდნენ ჩრდილოეთ კავკასიიდან დაქირავებული მებრძოლები, კაზაკთა მილიციის შენაერთები და არაოფიციალურად, გუდაუთაში განლაგებული რუსეთის სამხედრო ბაზის მებრძოლები.
1992-1993 წლების სამხედრო დაპირისპირებას 10 ათასზე მეტი ქართველი ჯარისკაცი და მშვიდობიანი მოქალაქე ემსხვერპლა.
მსგავსი სიახლეები
2018-10-20 სავალდებულო ჯარისგან თავის არიდების მცდელობაზე შესაძლოა ჯარიმა დაწესდეს
2018-11-02 ვიდეო, რომლის ნახვაც ფეისბუქზე 33 მილიონს გადასცდა
2018-10-20 ქუთაისის ისტორიულ ნაწილში ნანახი არტეფაქტი ჩვენს წელთაღრიცხვამდე მე-10 საუკუნით თარიღდება
2018-10-20 ყველაზე სწრაფად მზარდ ტურისტულ მიმართულებებს შორის, საქართველო მეოთხე ადგილზეა
2018-10-20 შინაგან საქმეთა სამინისტრომ 10-კაციანი დანაშაულებრივი ჯგუფი დააკავა
2018-11-01 ხუთმა ავღანელმა მიგრანტმა15 წლის გერმენალი გოგონა გააუპატიურა
