დედაქალაქის მერმა კახა კალაძემ ქალაქში ურბანულ წესრიგზე პასუხისმგებელი, ზედამხედველობის განახლებული სამსახური – მუნიციპალური ინსპექცია წარადგინა.
როგორც კახა კალაძემ პრეზენტაციისას აღნიშნა, თბილისის მთავრობას კარგად აქვს გაცნობიერებული ყველა ის გამოწვევა, პრობლემა და მოსაგვარებელი სფეროები, რაც დედაქალაქში წესრიგის დამყარებისთვის სასიცოცხლოდ მნიშვნელოვანია.
მისი თქმით, თბილისის მუნიციპალური ინსპექცია ერთ-ერთი ის მძლავრი საშუალებაა, რომლის მეშვეობითაც, დედაქალაქი თანამედროვე, მოწესრიგებულ ევროპულ ქალაქს დაემსგავსება.
დედაქალაქის მერმა განახლებული სამსახურის ფუნქცია-მოვალეობებზეც ისაუბრა, რომელთა შორის: კულტურული მემკვიდრეობის ძეგლის სტატუსის მქონე შენობებზე მიმდინარე სამუშაოებისა და უნებართვო მშენებლობების კონტროლი; სანებართვო პირობების დარღვევების გამოვლენა; სამშენებლო უსაფრთხოების ნორმების დაცვა; მშენებლობადამთავრებული ობიექტების ექსპლუატაციაში მიღება და სამშენებლო ტექნიკური ზედამხედველობა; უნებართვო გარე ვაჭრობისა და დასუფთავების წესების დარღვევების გამოვლენა-აღკვეთა; გარემოსა და ბუნებრივი რესურსების დაცვა; რეკლამის გავრცელების წესების კონტროლი და ხმაურის ნორმების გადაჭარბების ფაქტების აღკვეთა იქნება.
„ყველაფერი ეს მთლიანობაში არის საჭირო დედაქალაქის იერსახის მოსაწესრიგებლად, ეკოლოგიური პრობლემების გადასაწყვეტად, უსაფრთხოებისა და სხვა სტანდარტების დასაცავად. მოქალაქეებისგან ხშირად შემოდის ცნობები შემდეგ დარღვევებზე: დაბინძურებისა თუ ქალაქის ქონების ვანდალურად დაზიანების, კულტურული მემკვიდრეობის ხელყოფის, მშენებლობებზე დადგენილი ნორმების დარღვევის შესახებ. ჩვენ ასეთი ჩართულობა და თანამონაწილეობა გვაძლევს 24-საათიანი მუშაობის სტიმულს, ასევე, გვავალდებულებს, რომ თბილისელებს არ გავუცრუოთ იმედები და ყოველთვის დავიცვათ ქალაქის, თითოეული უბნის, ქუჩის, ეზოს თუ ოჯახის უფლებები“, – აღნიშნა თბილისის მერმა.
მისივე განმარტებით, მუნიციპალური სამსახურების დახმარებით, თბილისზე ზრუნვა და საზოგადოებრივი ქონების გაფრთხილება მოხდება.
შეგახსენებთ, ზედამხედველობის საქალაქო სამსახურს სახელწოდება საკრებულოს დადგენილების შესაბამისად, პირველი ოქტომბრიდან შეეცვალა და თბილისის მერიის მუნიციპალური ინსპექცია ეწოდა. აღნიშნულ სამსახურს გიორგი ბაგრატიონი ხელმძღვანელობს.
მსგავსი სიახლეები
2018-11-05 (ვიდეო) კაცი ტელეფონში ისეა ჩაფლული, რომ განხორციელებულ თავდასხმას ვერ მიხვდა
2018-11-02 მასწავლებლის ბულინგის შემთხვევა პარიზის ლიცეუმში
2018-11-02 ვიდეო, რომლის ნახვაც ფეისბუქზე 33 მილიონს გადასცდა
2018-11-02 პიცის მცხობელს, რომელმაც პიცის ცომში ჩააფურთხა, 4 წლამდე ციხე ემუქრება
2018-10-20 შინაგან საქმეთა სამინისტრო „გირჩის“ მიერ დაგეგმილ აქციაზე განცხადებას აკეთებს
2018-10-15 „მივიღებ ამერიკის მოქალაქეობას და ძალიან მალე გავხდები ამერიკის სენატორი“ – გიორგი შენგელაია
