გაერთიანებული ოპოზიცია „ძალა ერთობაშიას“ საპრეზიდენტო კანდიდატი, გრიგოლ ვაშაძე მარიხუანის კულტივაცია/ექსპორტის აკრძალვის შესახებ კონსტიტუციაში ცვლილებების შეტანის მიზნით, ხელმოწერების შეგროვებას იწყებს, – ამის შესახებ საპრეზიდენტო კანდიდატმა განცხადება ოპერის ბაღში ამომრჩევლებთან შეხვედრის დროს გააკეთა. ინფორმაციას „ინტერპრესნიუსი“ ავრცელებს.
„კატეგორიულად მოვითხოვთ ორ რამეს: პირველი – კანონპროექტი უპირობოდ იქნეს გატანილი პარლამენტიდან. უპირობოდ, შეწყდეს ყოველგვარი ლაპარაკი ამ თემაზე და დავიწყებას მიეცეს ეს „ინიციატივა“, რომელიც ჩვენი საზოგადოების, ჩვენი ერის და ჩვენი ახალგაზრდობის განადგურებაზე არის გათვლილი. მეორე – აუცილებლად შესატანია კონსტიტუციაში საკონსტიტუციო ცვლილება, რომელიც აკრძალავს საქართველოში კანაფის და ა.შ. ნარკოტიკების წარმოებისთვის საჭირო მცენარეების სასოფლო-სამეურნეო კულტურად გამოცხადებას”, – განაცხადა გრიგოლ ვაშაძემ.
მისი თქმით, იმისთვის, რომ ცვლილება შევიდეს კონსტიტუციაში, 200 ათასი ხელმოწერის შეგროვებაა საჭირო. ვაშაძე დარწმუნებულია, რომ ამ რაოდენობით ხელმოწერების შეგროვებას ძალიან მალე შეძლებს.
მსგავსი სიახლეები
2018-10-20 მამუკა არეშიძე – „რუსთაველზე კარვების ფონზე არეულობას გეგმავდნენ, უნდა ყოფილიყო მსხვერპლი“
2018-10-20 თეა წულუკიანი არასამთავრობოებს სთხოვს შეაფასონ სალომე ზურაბიშვილის მიმართ გამოხატული კრიტიკა
2018-10-20 გიორგი გახარია: „დეტალურ დონეზე ვიცით, ვინ, სად, როდის, რას გეგმავდა და რას გეგმავს“
2018-10-20 კახა კახიშვილი: „არანაირი მუქარა, მათ შორის მირზა სუბელიანისგან არ მახსოვს“
2018-10-20 ეკა ბესელიამ სალომე სამადაშვილს იურიდიული კომიტეტის სხდომა დაატოვებინა
2018-10-20 საფრანგეთის ელჩი სალომე ზურაბიშვილთან ატეხილ სკანდალს ეხმაურება
